guzar jahan ke KHanjar-e-do-dam se khelta hua

guzar jahāñ ke ḳhanjar-e-do-dam se kheltā huā

ḳhushī se kheltā huā alam se kheltā huā

havā-e-dair-o-ka.aba-o-haram se daur-daura

havā-e-dair-o-ka.aba-o-haram se kheltā huā

kisī ke gesuoñ ke pech-o-ḳham kā ho ke rah gayā

kisī ke gesuoñ ke pech-o-ḳham se kheltā huā

nigāh-e-mast meñ jahān-bhar kī mastiyāñ liye

vo kaun aa rahā hai jām-e-jam se kheltā huā

tamām-umr khelte rahe qazā kī god meñ hamīñ

ye kyā mazāq kar gayā tū ham se kheltā huā

bulandiyoñ ko pastiyoñ ko rauñdtā chalā gayā

hañsī-ḳhushī tumhāre har qadam se kheltā huā

abhī to reñgtā huā adam ko jā rahā huuñ maiñ

phir ulTe paañv ā.ūñgā adam se kheltā huā

guzar jahan ke KHanjar-e-do-dam se khelta hua

KHushi se khelta hua alam se khelta hua

hawa-e-dair-o-kaba-o-haram se daur-daura

hawa-e-dair-o-kaba-o-haram se khelta hua

kisi ke gesuon ke pech-o-KHam ka ho ke rah gaya

kisi ke gesuon ke pech-o-KHam se khelta hua

nigah-e-mast mein jahan-bhar ki mastiyan liye

wo kaun aa raha hai jam-e-jam se khelta hua

tamam-umr khelte rahe qaza ki god mein hamin

ye kya mazaq kar gaya tu hum se khelta hua

bulandiyon ko pastiyon ko raundta chala gaya

hansi-KHushi tumhaare har qadam se khelta hua

abhi to rengta hua adam ko ja raha hun main

phir ulTe panw aaunga adam se khelta hua