guzar raha tha main jab pa-shikasta taef se

guzar rahā thā maiñ jab pā-shikasta taa.ef se

jarī bhī saare dikhā.ī diye the ḳhā.if se

ye sher ranj-o-alam kā ajiib nusḳha haiñ

balā.eñ Tālte haiñ ham inhī vazā.if se

bahut qarīne se malfūf haiñ mizha meñ ashk

bahaltī rahtī haiñ āñkheñ tire tahā.if se

hamāre dard kī tafsīl meñ gayā hī nahīñ

vo āshnā huā do-chār hī kavā.if se

so ham ko naġhma-e-duniyā bhī kyā bhalā lagtā

ki dil lagā nahīñ apnā kuchh us tavā.if se

vo ajnabī thā magar jaan hī gayā 'tāriq'

mire fasāna-e-ġham ko mire latāif se

guzar raha tha main jab pa-shikasta taef se

jari bhi sare dikhai diye the KHaif se

ye sher ranj-o-alam ka ajib nusKHa hain

balaen Talte hain hum inhi wazaif se

bahut qarine se malfuf hain mizha mein ashk

bahalti rahti hain aankhen tere tahaif se

hamare dard ki tafsil mein gaya hi nahin

wo aashna hua do-chaar hi kawaif se

so hum ko naghma-e-duniya bhi kya bhala lagta

ki dil laga nahin apna kuchh us tawaif se

wo ajnabi tha magar jaan hi gaya 'tariq'

mere fasana-e-gham ko mere lataif se