guzar rahi hai judai jo tujh pe shaq to dekh

guzar rahī hai judā.ī jo tujh pe shaaq to dekh

kabhī kabhī tū varā-e-had-e-firāq to dekh

mirī talab na sahī merā ishtiyāq to dekh

ibāratoñ se pare aa zarā siyāq to dekh

judā haiñ jism hamāre judā haiñ rañg-o-ravish

tū un ko chhoḌ ke rūhoñ kā ittisāq to dekh

tū iḳhtilāf kī saarī hadeñ bhulā to sahī

tū iḳhtilāf pe ham sab kā ittifāq to dekh

kaTe hai vaqt bhale mujh ko kaaT kar hī kaTe

aTuuT ġham hai ġhamoñ kā ye tumtarāq to dekh

vo hai marīz jo har dam matīn rahtā hai

kabhī mizāh to sun aur kabhī mazāq to dekh

vo mīThe bol haqīqat meñ zahr-e-qātil haiñ

tū is naqāb ke pīchhe chhupā nifāq to dekh

ye hijr hijr nahīñ hai koī qayāmat hai

ye chashm-e-tar na sahī dil kā inshiqāq to dekh

hue haiñ husn ke virsā tamām begāne

hai ḳhālī haath ye kāshif 'shakīl' aaq to dekh

guzar rahi hai judai jo tujh pe shaq to dekh

kabhi kabhi tu wara-e-had-e-firaq to dekh

meri talab na sahi mera ishtiyaq to dekh

ibaraton se pare aa zara siyaq to dekh

juda hain jism hamare juda hain rang-o-rawish

tu un ko chhoD ke ruhon ka ittisaq to dekh

tu iKHtilaf ki sari haden bhula to sahi

tu iKHtilaf pe hum sab ka ittifaq to dekh

kaTe hai waqt bhale mujh ko kaT kar hi kaTe

aTuT gham hai ghamon ka ye tumtaraq to dekh

wo hai mariz jo har dam matin rahta hai

kabhi mizah to sun aur kabhi mazaq to dekh

wo miThe bol haqiqat mein zahr-e-qatil hain

tu is naqab ke pichhe chhupa nifaq to dekh

ye hijr hijr nahin hai koi qayamat hai

ye chashm-e-tar na sahi dil ka inshiqaq to dekh

hue hain husn ke wirsa tamam begane

hai KHali hath ye kashif 'shakil' aaq to dekh