guzarti hai jo dil par wo kahani yaad rakhta hun
guzartī hai jo dil par vo kahānī yaad rakhtā huuñ
maiñ har gul-rañg chehre ko zabānī yaad rakhtā huuñ
maiñ aksar kho sā jaatā huuñ galī-kūchoñ ke jañgal meñ
magar phir bhī tire ghar kī nishānī yaad rakhtā huuñ
mujhe achchhe bure se koī nisbat hai to itnī hai
ki har nā-mehrbāñ kī mehrbānī yaad rakhtā huuñ
kabhī jo zindagī kī be-sabātī yaad aatī hai
to sab kuchh bhuul jaatā huuñ javānī yaad rakhtā huuñ
mujhe ma.alūm hai kaise badal jaatī haiñ tārīḳheñ
isī ḳhātir to maiñ bāteñ purānī yaad rakhtā huuñ
guzarti hai jo dil par wo kahani yaad rakhta hun
main har gul-rang chehre ko zabani yaad rakhta hun
main aksar kho sa jata hun gali-kuchon ke jangal mein
magar phir bhi tere ghar ki nishani yaad rakhta hun
mujhe achchhe bure se koi nisbat hai to itni hai
ki har na-mehrban ki mehrbani yaad rakhta hun
kabhi jo zindagi ki be-sabaati yaad aati hai
to sab kuchh bhul jata hun jawani yaad rakhta hun
mujhe malum hai kaise badal jati hain tariKHen
isi KHatir to main baaten purani yaad rakhta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
