guzishta KHwab ki tabir mein laga hua tha

guzishta ḳhvāb kī ta.abīr meñ lagā huā thā

maiñ us ko chhūne kī tadbīr meñ lagā huā thā

banā sabab vahī maqbūliyat kā logoñ meñ

vo ek daaġh jo tasvīr meñ lagā huā thā

kisī ke jism ne mujh ko bahut sadā.eñ diiñ

magar maiñ ruuh kī tasḳhīr meñ lagā huā thā

usī ne tīrgī baḳhshī hai merī āñkhoñ ko

maiñ jis charāġh kī ta.amīr meñ lagā huā thā

guzishta KHwab ki tabir mein laga hua tha

main us ko chhune ki tadbir mein laga hua tha

bana sabab wahi maqbuliyat ka logon mein

wo ek dagh jo taswir mein laga hua tha

kisi ke jism ne mujh ko bahut sadaen din

magar main ruh ki tasKHir mein laga hua tha

usi ne tirgi baKHshi hai meri aankhon ko

main jis charagh ki tamir mein laga hua tha