guzre hai dil pe jo wo kahen kya kisi se hum

guzre hai dil pe jo vo kaheñ kyā kisī se ham

apnoñ meñ ho ke rah ga.e ik ajnabī se ham

is vāqi.a kā tajziya karnā muhāl hai

sahmī huī hai ham se ḳhushī yā ḳhushī se ham

rahne lage ḳhafā ḳhafā sūraj bhī chāñd bhī

mānūs kyā hue haiñ kisī raushnī se ham

din din hai raat raat hai ye jānñe ke baa'd

kaise nibāh karte bhalā tīrgī se ham

jaanā hai us maqām pe rasta kaThin sahī

laa.eñ jo inqalāb koī shā.irī se ham

‘paikar’ hamārī shaan ke qat.an ḳhilāf hai

āñkheñ churā churā ke ji.eñ zindagī se ham

guzre hai dil pe jo wo kahen kya kisi se hum

apnon mein ho ke rah gae ek ajnabi se hum

is waqia ka tajziya karna muhaal hai

sahmi hui hai hum se KHushi ya KHushi se hum

rahne lage KHafa KHafa suraj bhi chand bhi

manus kya hue hain kisi raushni se hum

din din hai raat raat hai ye jaanne ke ba'd

kaise nibah karte bhala tirgi se hum

jaana hai us maqam pe rasta kaThin sahi

laen jo inqalab koi shairi se hum

‘paikar’ hamari shan ke qatan KHilaf hai

aankhen chura chura ke jien zindagi se hum