guzre mausam ka chalan dil se mere goya hai

guzre mausam kā chalan dil se mire goyā hai

tujh ko kho kar bhī kahāñ dil ne tujhe khoyā hai

zabt ke ashk dabā.e haiñ tire hone par

chāñd hijrat ke mahīnoñ meñ bahut royā hai

har ghaḌī soch ko bāñdhā hai tirī yādoñ se

har ghaḌī yaad ko ashkoñ se tirī dhoyā hai

vasl kī chaah meñ dekhe haiñ zamāne kitne

kitnī sadiyoñ se tirā majnūñ nahīñ soyā hai

kis ne sāzish kī zamīnoñ pe haiñ kaaTī fasleñ

zahr kā biij batā kis ne yahāñ boyā hai

ham ne bailoñ ko nahīñ bāñdhā zarā ġhaur karo

rizq ne bāñdh ke insāñ ko yahāñ joyā hai

guzre mausam ka chalan dil se mere goya hai

tujh ko kho kar bhi kahan dil ne tujhe khoya hai

zabt ke ashk dabae hain tere hone par

chand hijrat ke mahinon mein bahut roya hai

har ghaDi soch ko bandha hai teri yaadon se

har ghaDi yaad ko ashkon se teri dhoya hai

wasl ki chah mein dekhe hain zamane kitne

kitni sadiyon se tera majnun nahin soya hai

kis ne sazish ki zaminon pe hain kaTi faslen

zahr ka bij bata kis ne yahan boya hai

hum ne bailon ko nahin bandha zara ghaur karo

rizq ne bandh ke insan ko yahan joya hai