hadsat ab ke safar mein nae Dhab se aae

hādsāt ab ke safar meñ na.e Dhab se aa.e

kashtiyāñ bhī nahīñ Duubī na kināre aa.e

ba.ad muddat ye jilā kis ke hunar ne baḳhshī

ba.ad muddat mire ā.īne meñ chehre aa.e

ashk palkoñ kī muñDeroñ pe tamannā dil meñ

din Dhale lauT ke shāḳhoñ pe parinde aa.e

saare kirdāroñ se jī khol ke bāteñ kar luuñ

moḌ kaisā mire qisse meñ na jaane aa.e

arsh par roz bagūle se phirā karte haiñ

dasht kī ḳhaak ko dīvāne kahāñ le aa.e

maiñ kisī aur taqāze se karūñ zikr us kā

vo kisī aur se milne ke bahāne aa.e

hadsat ab ke safar mein nae Dhab se aae

kashtiyan bhi nahin Dubi na kinare aae

baad muddat ye jila kis ke hunar ne baKHshi

baad muddat mere aaine mein chehre aae

ashk palkon ki munDeron pe tamanna dil mein

din Dhale lauT ke shaKHon pe parinde aae

sare kirdaron se ji khol ke baaten kar lun

moD kaisa mere qisse mein na jaane aae

arsh par roz bagule se phira karte hain

dasht ki KHak ko diwane kahan le aae

main kisi aur taqaze se karun zikr us ka

wo kisi aur se milne ke bahane aae