hadse sab be-sabab kaise hue
hādse sab be-sabab kaise hue
bahte dariyā tishna-lab kaise hue
ghar se bāhar bhī mohazzab log haiñ
mere bachche be-adab kaise hue
jañgaloñ ke bāsiyoñ ko kyā ḳhabar
hādsāt-e-shahr kab kaise hue
saikḌoñ the shahr meñ sūraj-badan
chāñd-tāre muntaḳhab kaise hue
koī to hotā mirā pursān-e-hāl
be-muravvat sab ke sab kaise hue
shahr meñ to aur bhī rahte haiñ yaar
ham pe hī qahr-o-ġhazab kaise hue
degrēyāñ to chand hī logoñ pe thiiñ
shahr meñ itne matab kaise hue
hadse sab be-sabab kaise hue
bahte dariya tishna-lab kaise hue
ghar se bahar bhi mohazzab log hain
mere bachche be-adab kaise hue
jangalon ke basiyon ko kya KHabar
hadsat-e-shahr kab kaise hue
saikDon the shahr mein suraj-badan
chand-tare muntaKHab kaise hue
koi to hota mera pursan-e-haal
be-murawwat sab ke sab kaise hue
shahr mein to aur bhi rahte hain yar
hum pe hi qahr-o-ghazab kaise hue
degreeyan to chand hi logon pe thin
shahr mein itne matab kaise hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
