hadson ko main hadsa na kahun

hādsoñ ko maiñ hādsa na kahūñ

ab kisī chiiz ko burā na kahūñ

dil meñ mere jo saath rahtā hai

sochtā huuñ use judā na kahūñ

mujh se merā zamīr kahtā hai

un ḳhudāoñ ko maiñ ḳhudā na kahūñ

aaj tak maiñ samajh nahīñ paayā

kyā kahūñ tum se aur kyā na kahūñ

us kī rahmat kā aasrā hai mujhe

nā-ḳhudāoñ ko maiñ ḳhudā na kahūñ

jis ne barbād zindagī kar dī

us ko 'sarvar' maiñ be-vafā na kahūñ

hadson ko main hadsa na kahun

ab kisi chiz ko bura na kahun

dil mein mere jo sath rahta hai

sochta hun use juda na kahun

mujh se mera zamir kahta hai

un KHudaon ko main KHuda na kahun

aaj tak main samajh nahin paya

kya kahun tum se aur kya na kahun

us ki rahmat ka aasra hai mujhe

na-KHudaon ko main KHuda na kahun

jis ne barbaad zindagi kar di

us ko 'sarwar' main be-wafa na kahun