حادثوں پر فدا ہو گئی
زندگی کیا سے کیا ہو گئی
اب تو آنسو بھی آتے نہیں
درد کی انتہا ہو گئی
پھول اتنے کٹیلے ہوئے
ساری خوشبو ہوا ہو گئی
جب بلاؤ تو آتی نہیں
موت بھی بے وفا ہو گئی
ایک سچ ہم نے کیا کہہ دیا
ساری دنیا خفا ہو گئی
جس کو کہتے ہیں ہم دوستی
آج نقلی دوا ہو گئی
کان سب کے سیاسی ہوئے
شاعری بے مزا ہو گئی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
