hae kafir tere hamrah adu aata hai

haa.e kāfir tire hamrāh adū aatā hai

kyā kahūñ paas ye terā hai ki tū aatā hai

nik.hat-e-itr meñ bas-bas ke jo tū aatā hai

apne hamrāh liye rashk kī bū aatā hai

nā-tavānī se nahīñ āh-o-fuġhāñ kī tāqat

naala tham tham ke mirā ta-ba-gulū aatā hai

chauñk paḌtā huuñ shab-e-vāda tire dhoke meñ

har qadam par yahī khaTkā hai ki tū aatā hai

duḳhtar-e-raz ke qadam tak to rasā.ī mālūm

mohtasib sañg-e-dar-e-mai-kada chhū aatā hai

zaḳhm-e-dil par kabhī Tāñkā na lagāyā tum ne

ham to samjhe the tumheñ ḳhuub rafū aatā hai

hae kafir tere hamrah adu aata hai

kya kahun pas ye tera hai ki tu aata hai

nikhat-e-itr mein bas-bas ke jo tu aata hai

apne hamrah liye rashk ki bu aata hai

na-tawani se nahin aah-o-fughan ki taqat

nala tham tham ke mera ta-ba-gulu aata hai

chaunk paDta hun shab-e-wada tere dhoke mein

har qadam par yahi khaTka hai ki tu aata hai

duKHtar-e-raz ke qadam tak to rasai malum

mohtasib sang-e-dar-e-mai-kada chhu aata hai

zaKHm-e-dil par kabhi Tanka na lagaya tum ne

hum to samjhe the tumhein KHub rafu aata hai