hail hain meri rah mein ye dair-o-haram kyon

haa.il haiñ mirī raah meñ ye dair-o-haram kyoñ

baḌhtā huuñ to har gaam pe rukte haiñ qadam kyoñ

jo haq kī himāyat meñ nikal aatā hai ghar se

us mard-e-mujāhid ko ho andesha-e-ġham kyoñ

ye rahbar-e-manzil haiñ nishāñ in se milegā

rāhoñ se miTāte ho mire naqsh-e-qadam kyoñ

mahfil kī nigāheñ to haiñ markūz unhīñ par

ḳhāmosh nazar aate haiñ aazar ke sanam kyoñ

maiñ ne unheñ apnā kahā apnā hī to samjhā

vo chāhte haiñ karnā mire sar ko qalam kyoñ

jo baat bhī haq hogī vahī baat kaheñge

munsif se kareñ ham koī ummīd-e-karam kyoñ

sad-shukr ki tū ne mujhe insān banāyā

ġham hī mirī qismat hai to ye bhī mujhe kam kyoñ

qudrat ne tumheñ aish-o-masarrat se navāzā

'maqsūd' nazar aate ho bā-dīda-e-nam kyoñ

hail hain meri rah mein ye dair-o-haram kyon

baDhta hun to har gam pe rukte hain qadam kyon

jo haq ki himayat mein nikal aata hai ghar se

us mard-e-mujahid ko ho andesha-e-gham kyon

ye rahbar-e-manzil hain nishan in se milega

rahon se miTate ho mere naqsh-e-qadam kyon

mahfil ki nigahen to hain markuz unhin par

KHamosh nazar aate hain aazar ke sanam kyon

main ne unhen apna kaha apna hi to samjha

wo chahte hain karna mere sar ko qalam kyon

jo baat bhi haq hogi wahi baat kahenge

munsif se karen hum koi ummid-e-karam kyon

sad-shukr ki tu ne mujhe insan banaya

gham hi meri qismat hai to ye bhi mujhe kam kyon

qudrat ne tumhein aish-o-masarrat se nawaza

'maqsud' nazar aate ho ba-dida-e-nam kyon