haal aisa hua bura dil ka

haal aisā huā burā dil kā

kaun kartā hai ab kahā dil kā

us kī tanhā.iyāñ ye kahtī haiñ

mujh ko bhī mil gayā sila dil kā

dil ko jis se baḌī umīdeñ thiiñ

haal us ne nahīñ sunā dil kā

zindagī tujh se kaun jaane kab

TuuT jā.egā silsila dil kā

in ḳhudāoñ kā kyā kare koī

chāhiye hai mujhe ḳhudā dil kā

us ke pahlū meñ dil nahīñ 'sarvar'

kyā kaheñ jā ke mudda.ā dil kā

haal aisa hua bura dil ka

kaun karta hai ab kaha dil ka

us ki tanhaiyan ye kahti hain

mujh ko bhi mil gaya sila dil ka

dil ko jis se baDi umiden thin

haal us ne nahin suna dil ka

zindagi tujh se kaun jaane kab

TuT jaega silsila dil ka

in KHudaon ka kya kare koi

chahiye hai mujhe KHuda dil ka

us ke pahlu mein dil nahin 'sarwar'

kya kahen ja ke muddaa dil ka