haal-e-dil aashkar karta hun

hāl-e-dil āshkār kartā huuñ

aaj unheñ ashk-bār kartā huuñ

pairahan taar taar kartā huuñ

ehtimām-e-bahār kartā huuñ

apnī hastī se be-ḳhabar ho kar

aap kā intizār kartā huuñ

tere va.ade pe tere sar kī qasam

dil se maiñ e.atibār kartā huuñ

qissa-e-dard-o-ġham sunā ke unheñ

aaj phir be-qarār kartā huuñ

shām-e-ġham vo na ā.eñge lekin

phir bhī maiñ intizār kartā huuñ

dil hai kyā chiiz dil kī hastī kyā

jaan tum par nisār kartā huuñ

dard-o-ġham kī fazā.eñ raushan haiñ

daaġh dil ke shumār kartā huuñ

un ke naqsh-e-qadam pe maiñ 'sājid'

sajde dīvāna-vār kartā huuñ

haal-e-dil aashkar karta hun

aaj unhen ashk-bar karta hun

pairahan tar tar karta hun

ehtimam-e-bahaar karta hun

apni hasti se be-KHabar ho kar

aap ka intizar karta hun

tere wade pe tere sar ki qasam

dil se main eatibar karta hun

qissa-e-dard-o-gham suna ke unhen

aaj phir be-qarar karta hun

sham-e-gham wo na aaenge lekin

phir bhi main intizar karta hun

dil hai kya chiz dil ki hasti kya

jaan tum par nisar karta hun

dard-o-gham ki fazaen raushan hain

dagh dil ke shumar karta hun

un ke naqsh-e-qadam pe main 'sajid'

sajde diwana-war karta hun