haal-e-dil-e-tabah kahen kya kisi se hum

hāl-e-dil-e-tabāh kaheñ kyā kisī se ham

kahnā hameñ jo hai vo kaheñge tujhī se ham

ik ranj-e-lā-zavāl meñ sad-haif phañs ga.e

dil ko lagā ke ik sanam-e-ārzī se ham

ai barq-e-ishq tū hī jalā de hijāb ko

itnā sā kaam hai to kaheñ kyā kisī se ham

dil chhīn liyā ham ne to shīrīñ-suḳhanī se

'amjad' jahāñ kahīñ bhī mile jis kisī se ham

haal-e-dil-e-tabah kahen kya kisi se hum

kahna hamein jo hai wo kahenge tujhi se hum

ek ranj-e-la-zawal mein sad-haif phans gae

dil ko laga ke ek sanam-e-arzi se hum

ai barq-e-ishq tu hi jala de hijab ko

itna sa kaam hai to kahen kya kisi se hum

dil chhin liya hum ne to shirin-suKHani se

'amjad' jahan kahin bhi mile jis kisi se hum