حال دل سن کے سناؤ تو مزہ آ جائے

حال دل سن کے سناؤ تو مزہ آ جائے

جشن اک رات مناؤ تو مزہ آ جائے

تم جہاں چاہو وہاں مجھ کو بٹھاتے ہو مگر

دل میں آنکھوں میں بٹھاؤ تو مزہ آ جائے

ہو کے بے باک زمانے سے بھری محفل میں

آنکھ سے آنکھ ملاؤ تو مزہ آ جائے

یاد ہی یاد میں سو جاؤں اچانک میں تو

تم اگر آ کے جگاؤ تو مزہ آ جائے

میں تمہیں دیکھ کے چکرا کے اگر گر جاؤں

دست نازک سے اٹھاؤ تو مزہ آ جائے

شوق سے روز پلاتے ہو مجھے تم لیکن

آج خود پی کے پلاؤ تو مزہ آ جائے

تشنگی بڑھنے لگی وقفۂ مے نوشی سے

دور پہ دور چلاؤ تو مزہ آ جاؤ

اپنے الطاف سے خاکیؔ کو دو عالم میں اگر

قابل قدر بناؤ تو مزہ آ جائے