حال پوچھا تو ہنس کے ٹال دیا
حال پوچھا تو ہنس کے ٹال دیا
اس نے اک امتحاں میں ڈال دیا
زخم دنیا نے جس قدر بھی دئے
اس نے زخموں کو اندمال دیا
کس لئے اب ہوا کا رخ دیکھیں
ناؤ کو جب ندی میں ڈال دیا
نسبت راہبر بھی کیا شے ہے
گرتے گرتے ہمیں سنبھال دیا
بارہا ڈوبتے سفینوں کو
موج طوفاں نے خود اچھال دیا
روشنی بخش دی ستاروں کو
اس نے سورج کو گر زوال دیا
جو ملا بے طلب ملا اس سے
جو دیا اس نے بے مثال دیا
اس کو دشمن کہوں کہ دوست نسیمؔ
جس نے ماضی کو لے کے حال دیا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
