haalanki main asir-e-azab-e-safar na tha

hālāñki maiñ asīr-e-azāb-e-safar na thā

ye aur baat hai ki mirā koī ghar na thā

din raat bhāgte hue lamhoñ ke darmiyāñ

maiñ sochtā thā koī mirā ham-safar na thā

ham bahr-e-zindagī se jo chun chun ke laa.e the

ḳhālī sabhī sadaf the kisī meñ guhar na thā

yuuñ ḳhaak uḌ rahī hai nigāhoñ ke sāmne

dasht-e-talab meñ duur talak koī ghar na thā

bārish kī sāzishoñ meñ havā bhī sharīk thī

lekin makīn-e-shahr koī bā-ḳhabar na thā

logoñ ne sañgsār kiyā is ke bāvajūd

vo mutma.in thā us kā kahā be-asar na thā

haalanki main asir-e-azab-e-safar na tha

ye aur baat hai ki mera koi ghar na tha

din raat bhagte hue lamhon ke darmiyan

main sochta tha koi mera ham-safar na tha

hum bahr-e-zindagi se jo chun chun ke lae the

KHali sabhi sadaf the kisi mein guhar na tha

yun KHak uD rahi hai nigahon ke samne

dasht-e-talab mein dur talak koi ghar na tha

barish ki sazishon mein hawa bhi sharik thi

lekin makin-e-shahr koi ba-KHabar na tha

logon ne sangsar kiya is ke bawajud

wo mutmain tha us ka kaha be-asar na tha