haalat badalne ki KHabar hai ki nahin hai

hālāt badalne kī ḳhabar hai ki nahīñ hai

shāne pe zarā dekh le sar hai ki nahīñ hai

ye ghar ke masā.il haiñ kabhī ḳhatm na hoñge

ai mere ḳhudā in se mafar hai ki nahīñ hai

jo dasht-navardī ke liye chhoḌ diyā thā

ab shahr-e-tamannā meñ vo ghar hai ki nahīñ hai

karnī thī tire hukm kī ta.amīl so kar dī

bol apnī sifārish meñ asar hai ki nahīñ hai

āvāz to hotī nahīñ lāThī meñ ḳhudā kī

zālim tujhe kuchh is kā bhī Dar hai ki nahīñ hai

zardār hai baap us kā to kyā dekhnā lekin

laḌke meñ kamā.ī kā hunar hai ki nahīñ hai

'imrān' tujhe manzil-e-irfāñ to hai matlūb

hamrāh tire raḳht-e-safar hai ki nahīñ hai

haalat badalne ki KHabar hai ki nahin hai

shane pe zara dekh le sar hai ki nahin hai

ye ghar ke masail hain kabhi KHatm na honge

ai mere KHuda in se mafar hai ki nahin hai

jo dasht-nawardi ke liye chhoD diya tha

ab shahr-e-tamanna mein wo ghar hai ki nahin hai

karni thi tere hukm ki tamil so kar di

bol apni sifarish mein asar hai ki nahin hai

aawaz to hoti nahin laThi mein KHuda ki

zalim tujhe kuchh is ka bhi Dar hai ki nahin hai

zardar hai bap us ka to kya dekhna lekin

laDke mein kamai ka hunar hai ki nahin hai

'imran' tujhe manzil-e-irfan to hai matlub

hamrah tere raKHt-e-safar hai ki nahin hai