haalat ki bhigi raat bhi hai jazbaat ka tez alaw bhi

hālāt kī bhīgī raat bhī hai jazbāt kā tez alaav bhī

maiñ kaun sī aag meñ jal jā.ūñ ai nukta-varo samjhāo bhī

har-chand nazar ne jhele haiñ har baar sunahre ghaav bhī

ham aaj bhī dhoka khā leñge tum bhes badal kar aao bhī

girdāb ke ḳhūnīñ halqoñ se jab khel chukī hai naav bhī

patvār badalnā kyā ma.anī? mallāhoñ ko samjhāo bhī

be-kaif jhakole kāñToñ ko shādāb to kyā kar pā.eñge

jo phuul paḌe haiñ rāhoñ meñ un phūloñ ko mahkāo bhī

ham se to jafāoñ ke shikve tum hañs kar chhīn bhī sakte ho

ham dil ko pashemāñ kar leñge tum pyaar se aañkh jhukāo bhī

gul-rañg charāġhoñ kī lau se tārīk ujāle phuuT bahe

har taaq meñ ghor añdherā hai is rañg-mahal ko Dhaao bhī

haalat ki bhigi raat bhi hai jazbaat ka tez alaw bhi

main kaun si aag mein jal jaun ai nukta-waro samjhao bhi

har-chand nazar ne jhele hain har bar sunahre ghaw bhi

hum aaj bhi dhoka kha lenge tum bhes badal kar aao bhi

girdab ke KHunin halqon se jab khel chuki hai naw bhi

patwar badalna kya mani? mallahon ko samjhao bhi

be-kaif jhakole kanTon ko shadab to kya kar paenge

jo phul paDe hain rahon mein un phulon ko mahkao bhi

hum se to jafaon ke shikwe tum hans kar chhin bhi sakte ho

hum dil ko pasheman kar lenge tum pyar se aankh jhukao bhi

gul-rang charaghon ki lau se tarik ujale phuT bahe

har taq mein ghor andhera hai is rang-mahal ko Dhao bhi