haalat-e-dil KHizan ki surat hai

hālat-e-dil ḳhizāñ kī sūrat hai

ishq sang-e-girāñ kī sūrat hai

bah rahā hai ragoñ meñ laavā sā

rang ātish-fishāñ kī sūrat hai

ai nasīm-e-bahār merā bhī

haal ujḌe makāñ kī sūrat hai

maiñ huuñ ḳhalvat ke naam kā sahrā

aur tū gulsitāñ kī sūrat hai

fitratan aaj ghar basāne kā

khel sūd-o-ziyāñ kī sūrat hai

tere dam se hai chāñdnī ghultī

chāñd tere nishāñ kī sūrat hai

dasht-e-ḳhākī pe ek tū jānāñ

chādar-e-āsmāñ kī sūrat hai

ḳhāk-e-dil hai 'murād' but-ḳhāna

lek naala azaañ kī sūrat hai

haalat-e-dil KHizan ki surat hai

ishq sang-e-giran ki surat hai

bah raha hai ragon mein lawa sa

rang aatish-fishan ki surat hai

ai nasim-e-bahaar mera bhi

haal ujDe makan ki surat hai

main hun KHalwat ke nam ka sahra

aur tu gulsitan ki surat hai

fitratan aaj ghar basane ka

khel sud-o-ziyan ki surat hai

tere dam se hai chandni ghulti

chand tere nishan ki surat hai

dasht-e-KHaki pe ek tu jaanan

chadar-e-asman ki surat hai

KHak-e-dil hai 'murad' but-KHana

lek nala azan ki surat hai