han kahin jugnu chamakta tha chalo wapas chalo

haañ kahīñ jugnū chamaktā thā chalo vāpas chalo

in surañgoñ meñ añdherā hai to ho vāpas chalo

ham ko har andhe kī fahm-e-manzilat kā hai shu.ūr

kah rahā hai qāfile vāloñ se jo vāpas chalo

us taraf ke qahqahoñ kā raaz kuchh khultā nahīñ

is liye apne hī mātam-zār ko vāpas chalo

vāpsī ke rāste masdūd ho jaane se qabl

kis liye tum ho asīr-e-gomago vāpas chalo

kab tak in āvāra maujoñ kā tamāshā dekhnā

gin chuke ho sā.atoñ ke taar to vāpas chalo

khel kā stage ḳhālī hai to kis kā intizār

jaane kab kā ho chukā hai ḳhatm show vāpas chalo

peshtar is ke ki apnī dāstāneñ bhuul jaao

shahr-e-afsūñ meñ bhaTakte rāvi.yo vāpas chalo

aao ab chal kar zarā ghar meñ jalāte haiñ charāġh

chādar-e-zulmat utarne ko hai so vāpas chalo

han kahin jugnu chamakta tha chalo wapas chalo

in surangon mein andhera hai to ho wapas chalo

hum ko har andhe ki fahm-e-manzilat ka hai shuur

kah raha hai qafile walon se jo wapas chalo

us taraf ke qahqahon ka raaz kuchh khulta nahin

is liye apne hi matam-zar ko wapas chalo

wapsi ke raste masdud ho jaane se qabl

kis liye tum ho asir-e-gomago wapas chalo

kab tak in aawara maujon ka tamasha dekhna

gin chuke ho saaton ke tar to wapas chalo

khel ka stage KHali hai to kis ka intizar

jaane kab ka ho chuka hai KHatm show wapas chalo

peshtar is ke ki apni dastanen bhul jao

shahr-e-afsun mein bhaTakte rawiyo wapas chalo

aao ab chal kar zara ghar mein jalate hain charagh

chadar-e-zulmat utarne ko hai so wapas chalo