han mahfil-e-yaran mein aisa bhi maqam aaya
haañ mahfil-e-yārāñ meñ aisā bhī maqām aayā
maiñ ḳhud ko bhulā baiThā jab bhī tirā naam aayā
maiñ apne hī paikar se is darja pareshāñ thā
sochā ki bikhar jā.ūñ jab bhī tah-e-dām aayā
duniyā meñ hazāroñ haiñ mansūr bhī sarmad bhī
kyuuñ lauh-e-sadāqat par ik merā hī naam aayā
kyā jism ke zindāñ se āzād kiyā mujh ko
kyā koī sar-e-maqtal yaaro mire kaam aayā
har shaḳhs ke chehre par ik karb kā manzar hai
shāyad lab-e-getī par taḳhrīb kā naam aayā
han mahfil-e-yaran mein aisa bhi maqam aaya
main KHud ko bhula baiTha jab bhi tera nam aaya
main apne hi paikar se is darja pareshan tha
socha ki bikhar jaun jab bhi tah-e-dam aaya
duniya mein hazaron hain mansur bhi sarmad bhi
kyun lauh-e-sadaqat par ek mera hi nam aaya
kya jism ke zindan se aazad kiya mujh ko
kya koi sar-e-maqtal yaro mere kaam aaya
har shaKHs ke chehre par ek karb ka manzar hai
shayad lab-e-geti par taKHrib ka nam aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
