han tera intizar baqi hai

haañ tirā intizār baaqī hai

ik umīd-e-bahār baaqī hai

bojh halkā kareñ kahāñ dil kā

kyā koī rāzdār baaqī hai

mil rahe haiñ gale vo dushman se

dil meñ ranjish kā ḳhaar baaqī hai

zindagī kā nasha to TuuT chukā

halkā halkā ḳhumār baaqī hai

vo jo chhup kar kareñge dost mire

bas vahī ek vaar baaqī hai

merā lashkar to TūT-phūT chukā

āḳhirī ye savār baaqī hai

khol lo tum bhī ik kafan kī dukāñ

ki yahī rozgār baaqī hai

har kahānī to ho chukī hai tamām

qissa-e-dār yaar baaqī hai

saare ḳheme to jal ke raakh hue

thoḌī chīḳh-o-pukār baaqī hai

tum ḳhatā.eñ to gin chuke merī

hasratoñ kā shumār baaqī hai

aur jitnī ruteñ thiiñ biit ga.iiñ

mausam-e-intizār baaqī hai

terī rahmat kā aasrā har dam

mere parvardigār baaqī hai

chain aa.egā kis tarah 'ābid'

jab dil-e-be-qarār baaqī hai

han tera intizar baqi hai

ek umid-e-bahaar baqi hai

bojh halka karen kahan dil ka

kya koi raazdar baqi hai

mil rahe hain gale wo dushman se

dil mein ranjish ka KHar baqi hai

zindagi ka nasha to TuT chuka

halka halka KHumar baqi hai

wo jo chhup kar karenge dost mere

bas wahi ek war baqi hai

mera lashkar to TuT-phuT chuka

aaKHiri ye sawar baqi hai

khol lo tum bhi ek kafan ki dukan

ki yahi rozgar baqi hai

har kahani to ho chuki hai tamam

qissa-e-dar yar baqi hai

sare KHeme to jal ke rakh hue

thoDi chiKH-o-pukar baqi hai

tum KHataen to gin chuke meri

hasraton ka shumar baqi hai

aur jitni ruten thin bit gain

mausam-e-intizar baqi hai

teri rahmat ka aasra har dam

mere parwardigar baqi hai

chain aaega kis tarah 'abid'

jab dil-e-be-qarar baqi hai