hasil-e-zist ishq hi to nahin

hāsil-e-zīst ishq hī to nahīñ

chashm-o-abrū hī zindagī to nahīñ

zulf-e-shab-rañg-o-chashm-e-sehr-andāz

ye bahut kuchh haiñ par yahī to nahīñ

mere lab tak tire taġhāful kī

baat aa.ī magar kahī to nahīñ

aap nārāz ho ga.e itnā

ye koī aisī baat bhī to nahīñ

kaT hī jā.egī ye bhī ai 'bāqar'

hijr kī raat dā.imī to nahīñ

hasil-e-zist ishq hi to nahin

chashm-o-abru hi zindagi to nahin

zulf-e-shab-rang-o-chashm-e-sehr-andaz

ye bahut kuchh hain par yahi to nahin

mere lab tak tere taghaful ki

baat aai magar kahi to nahin

aap naraaz ho gae itna

ye koi aisi baat bhi to nahin

kaT hi jaegi ye bhi ai 'baqar'

hijr ki raat daimi to nahin