hasil-e-zist ziya-e-KHat-e-taqdir ho tum

hāsil-e-zīst ziyā-e-ḳhat-e-taqdīr ho tum

bazm-e-ehsās meñ bikhrī huī tanvīr ho tum

kyā huā lab pe tabassum nahīñ dil-gīr ho tum

kis musavvir kī banā.ī huī tasvīr ho tum

uf ye qāmat ye qad-ārā.ī ye zebā.ish-e-rañg

naqsh-e-mānī ho ki bahzād kī tasvīr ho tum

apne hāthoñ se tarāshā hai tumhārā paikar

phir bhī mere liye nā-qābil-e-tasḳhīr ho tum

maiñ ne jis ḳhvāb se tanvīr-e-mohabbat lī hai

kyā usī ḳhvāb kā ā.īna-e-ta.abīr ho tum

yaad aatā hai ye dekhā hai ki dekhā bhī nahīñ

saf.ha-e-zehn se utrī huī tahrīr ho tum

TūTne ke nahīñ ġhaflat ke tilismāt 'ayāz'

ālam-e-ḳhvāb meñ pā-basta-e-zanjīr ho tum

hasil-e-zist ziya-e-KHat-e-taqdir ho tum

bazm-e-ehsas mein bikhri hui tanwir ho tum

kya hua lab pe tabassum nahin dil-gir ho tum

kis musawwir ki banai hui taswir ho tum

uf ye qamat ye qad-arai ye zebaish-e-rang

naqsh-e-mani ho ki bahzad ki taswir ho tum

apne hathon se tarasha hai tumhaara paikar

phir bhi mere liye na-qabil-e-tasKHir ho tum

main ne jis KHwab se tanwir-e-mohabbat li hai

kya usi KHwab ka aaina-e-tabir ho tum

yaad aata hai ye dekha hai ki dekha bhi nahin

safha-e-zehn se utri hui tahrir ho tum

TuTne ke nahin ghaflat ke tilismat 'ayaz'

aalam-e-KHwab mein pa-basta-e-zanjir ho tum