hasil kabhi jo uski mohabbat na ho hamein

hāsil kabhī jo us kī mohabbat na ho hameñ

pal-bhar kī bhī hayāt meñ rāhat na ho hameñ

shikve jo tum se haiñ vo tavaqqo.a ke saath haiñ

ummīd gar na ho to shikāyat na ho hameñ

jazbātiyat meñ tark-e-ta.alluq to kar chuke

kal apne faisle pe nadāmat na ho hameñ

ye aur baat hai ki laboñ se nahīñ ayaañ

ye to nahīñ ki tum se mohabbat na ho hameñ

ne.amat kī tarah dil pe lage haiñ tumhāre zaḳhm

kāfir kaho jo Tiis meñ rāhat na ho hameñ

kahte nahīñ zabān se 'at.har-shakīl' ham

ye to nahīñ ki ġham se aziyyat na ho hameñ

hasil kabhi jo us ki mohabbat na ho hamein

pal-bhar ki bhi hayat mein rahat na ho hamein

shikwe jo tum se hain wo tawaqqoa ke sath hain

ummid gar na ho to shikayat na ho hamein

jazbaatiyat mein tark-e-talluq to kar chuke

kal apne faisle pe nadamat na ho hamein

ye aur baat hai ki labon se nahin ayan

ye to nahin ki tum se mohabbat na ho hamein

neamat ki tarah dil pe lage hain tumhaare zaKHm

kafir kaho jo Tis mein rahat na ho hamein

kahte nahin zaban se 'athar-shakil' hum

ye to nahin ki gham se aziyyat na ho hamein