hath hathon mein na de baat hi karta jae

haath hāthoñ meñ na de baat hī kartā jaa.e

hai bahut lambā safar yuuñ to na Dartā jaa.e

jī meñ Thānī hai ki jiinā hai bahar-hāl mujhe

jis ko marnā hai vo chup-chāp hī martā jaa.e

ḳhud ko mazbūt banā rakkhe pahāḌoñ kī tarah

ret kā aadmī andar se bikhartā jaa.e

surḳh phūloñ kā nahīñ zard udāsī kā sahī

rañg kuchh to mirī tasvīr meñ bhartā jaa.e

mujh se nafrat hai agar us ko to iz.hār kare

kab maiñ kahtā huuñ mujhe pyaar hī kartā jaa.e

ghar kī dīvār ko itnā bhī tū ūñchā na banā

terā ham-sāya tire saa.e se Dartā jaa.e

hath hathon mein na de baat hi karta jae

hai bahut lamba safar yun to na Darta jae

ji mein Thani hai ki jina hai bahar-haal mujhe

jis ko marna hai wo chup-chap hi marta jae

KHud ko mazbut bana rakkhe pahaDon ki tarah

ret ka aadmi andar se bikharta jae

surKH phulon ka nahin zard udasi ka sahi

rang kuchh to meri taswir mein bharta jae

mujh se nafrat hai agar us ko to izhaar kare

kab main kahta hun mujhe pyar hi karta jae

ghar ki diwar ko itna bhi tu uncha na bana

tera ham-saya tere sae se Darta jae