hath jab mausam ke gile ho gae hain

haath jab mausam ke giile ho ga.e haiñ

zaḳhm dil ke aur gahre ho ga.e haiñ

bāñTte the jo bahār-e-zindagānī

band ab vo bhī darīche ho ga.e

Duub jā.egā hamāre saath vo bhī

ye jo sochā haath Dhīle ho ga.e haiñ

laaj rakhnī paḌ ga.ī hai dostoñ kī

ham bharī mahfil meñ jhūTe ho ga.e haiñ

ai ġham-e-māzī tujhe maiñ nazr kyā duuñ

ḳhushk āñkhoñ ke kaTore ho ga.e haiñ

ab madad ḳhār-e-bayābāñ haiñ kareñge

sadd-e-rah pairoñ ke chhāle ho ga.e haiñ

so sakegā vo bhī 'aḳhtar' chain se ab

haath beTī ke jo piile ho ga.e haiñ

hath jab mausam ke gile ho gae hain

zaKHm dil ke aur gahre ho gae hain

banTte the jo bahaar-e-zindagani

band ab wo bhi dariche ho gae

Dub jaega hamare sath wo bhi

ye jo socha hath Dhile ho gae hain

laj rakhni paD gai hai doston ki

hum bhari mahfil mein jhuTe ho gae hain

ai gham-e-mazi tujhe main nazr kya dun

KHushk aankhon ke kaTore ho gae hain

ab madad KHar-e-bayaban hain karenge

sadd-e-rah pairon ke chhaale ho gae hain

so sakega wo bhi 'aKHtar' chain se ab

hath beTi ke jo pile ho gae hain