hath Khaali sar-e-bazar liye phirti hai
haath ḳhālī sar-e-bāzār liye phirtī hai
ruuh meñ saiñkaḌoñ āzār liye phirtī hai
be-ḳhabar hai ki nahīñ haath meñ phūTī-kauḌī
maañ jise god meñ bīmār liye phirtī hai
ek doshīza numā.ish kā sahārā le kar
kitne be-shakl ḳharīdār liye phirtī hai
noch kar apnī hayā oḌh ke chehre pe fareb
ek gumrāh sā kirdār liye phirtī hai
hasrat-o-yās ko laḌiyoñ meñ piro kar buḌhiyā
mere bachpan se vahī haar liye phirtī hai
khul gayā raaz sitāre haiñ baġhāvat ke nishāñ
raat kyuuñ ḳhauf ke āsār liye phirtī hai
zabt sheva hai ba-har-hāl hamārā varna
har zabāñ nok pe talvār liye phirtī hai
hath KHali sar-e-bazar liye phirti hai
ruh mein sainkaDon aazar liye phirti hai
be-KHabar hai ki nahin hath mein phuTi-kauDi
man jise god mein bimar liye phirti hai
ek doshiza numaish ka sahaara le kar
kitne be-shakl KHaridar liye phirti hai
noch kar apni haya oDh ke chehre pe fareb
ek gumrah sa kirdar liye phirti hai
hasrat-o-yas ko laDiyon mein piro kar buDhiya
mere bachpan se wahi haar liye phirti hai
khul gaya raaz sitare hain baghawat ke nishan
raat kyun KHauf ke aasar liye phirti hai
zabt shewa hai ba-har-haal hamara warna
har zaban nok pe talwar liye phirti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
