hath na aai duniya bhi aur ishq mein bhi gumnam rahe

haath na aa.ī duniyā bhī aur ishq meñ bhī gumnām rahe

soch ke ab sharminda haiñ kyuuñ donoñ meñ nākām rahe

ab tak us ke dam se apnī ḳhush-fahmī to qaa.em hai

achchhā hai jo baat meñ is kī thoḌā sā ib.hām rahe

ham ne bhī kuchh naam kiyā thā ham ko bhī e.azāz mile

ishq meñ ham bhī ik muddat tak morid-e-sad-dushnām rahe

mere paas to apne liye bhī aksar koī vaqt na thā

haañ jo farāġhat ke lamhe the terī yaad ke naam rahe

vāqif-e-hāl to hai vo apnā munsif-e-jāñ-dār sahī

us ke har insāf kā lekin mere sar ilzām rahe

aaj kā din bhī be-masraf sī sochoñ hī meñ biit gayā

aaj ke din bhī yuuñ hī paḌe phir ghar ke saare kaam rahe

hath na aai duniya bhi aur ishq mein bhi gumnam rahe

soch ke ab sharminda hain kyun donon mein nakaam rahe

ab tak us ke dam se apni KHush-fahmi to qaem hai

achchha hai jo baat mein is ki thoDa sa ibham rahe

hum ne bhi kuchh nam kiya tha hum ko bhi eazaz mile

ishq mein hum bhi ek muddat tak morid-e-sad-dushnam rahe

mere pas to apne liye bhi aksar koi waqt na tha

han jo faraghat ke lamhe the teri yaad ke nam rahe

waqif-e-haal to hai wo apna munsif-e-jaan-dar sahi

us ke har insaf ka lekin mere sar ilzam rahe

aaj ka din bhi be-masraf si sochon hi mein bit gaya

aaj ke din bhi yun hi paDe phir ghar ke sare kaam rahe