hath pahunche bhi na the mahtab tak

haath pahuñche bhī na the mahtāb tak

ho ga.e miTTī sunahre ḳhvāb tak

chaal to dariyā kī ham ne rok dī

aa ga.ī naubat magar sailāb tak

bādaloñ kī mehrbānī ho ga.ī

varna kyā aatī nadī tālāb tak

is zamīñ kī ābyārī kaise ho

kam hai jis kī pyaas ko sailāb tak

dukh to ye hai kauḌiyoñ meñ bik ga.e

kuchh gharoñ ke gauhar-e-nāyāb tak

ḳhair ho maulā siyāsat aa ga.ī

masjidoñ ke mimbar-o-mehrāb tak

hausla tinke kā vo bhī dekh le

le chalo maujo mujhe girdāb tak

hath pahunche bhi na the mahtab tak

ho gae miTTi sunahre KHwab tak

chaal to dariya ki hum ne rok di

aa gai naubat magar sailab tak

baadalon ki mehrbani ho gai

warna kya aati nadi talab tak

is zamin ki aabyari kaise ho

kam hai jis ki pyas ko sailab tak

dukh to ye hai kauDiyon mein bik gae

kuchh gharon ke gauhar-e-nayab tak

KHair ho maula siyasat aa gai

masjidon ke mimbar-o-mehrab tak

hausla tinke ka wo bhi dekh le

le chalo maujo mujhe girdab tak