hath pakaD le ab bhi tera ho sakta hun main

haath pakaḌ le ab bhī terā ho saktā huuñ maiñ

bhiiḌ bahut hai is mele meñ kho saktā huuñ maiñ

pīchhe chhūTe sāthī mujh ko yaad aa jaate haiñ

varna dauḌ meñ sab se aage ho saktā huuñ maiñ

kab samjheñge jin kī ḳhātir phuul bichhātā huuñ

rāhguzar meñ kāñTe bhī to bo saktā huuñ maiñ

ik chhoTā sā bachcha mujh meñ ab tak zinda hai

chhoTī chhoTī baat pe ab bhī ro saktā huuñ maiñ

sannāTe meñ dahshat har pal gūñjā kartī hai

is jañgal meñ chain se kaise so saktā huuñ maiñ

soch samajh kar chaTTānoñ se uljhā huuñ varna

bahtī gañgā meñ hāthoñ ko dho saktā huuñ maiñ

hath pakaD le ab bhi tera ho sakta hun main

bhiD bahut hai is mele mein kho sakta hun main

pichhe chhuTe sathi mujh ko yaad aa jate hain

warna dauD mein sab se aage ho sakta hun main

kab samjhenge jin ki KHatir phul bichhata hun

rahguzar mein kanTe bhi to bo sakta hun main

ek chhoTa sa bachcha mujh mein ab tak zinda hai

chhoTi chhoTi baat pe ab bhi ro sakta hun main

sannaTe mein dahshat har pal gunja karti hai

is jangal mein chain se kaise so sakta hun main

soch samajh kar chaTTanon se uljha hun warna

bahti ganga mein hathon ko dho sakta hun main