hath phailae the tumne mujhko tanha dekh kar

haath phailā.e the tum ne mujh ko tanhā dekh kar

ab ḳhafā hote ho kyuuñ zaḳhm-e-tamannā dekh kar

chāñdnī-rātoñ meñ aksar us galī ke moḌ par

chauñk uThtā hai koī apnā hī saaya dekh kar

ye nazar kī tishnagī ye salsabīl-e-husn-e-yār

jī sulagtā hai laboñ ke paas dariyā dekh kar

yaad aa jaatā hai nā-sufta umīdoñ kā ma.aal

Dhalte sāyoñ meñ guloñ kā rañg uḌtā dekh kar

the ba-faiz-e-ishq ham bhī yūsuf-e-bāzār-e-misr

lauT kar jaate kahāñ shahr-e-zuleḳhā dekh kar

hath phailae the tum ne mujh ko tanha dekh kar

ab KHafa hote ho kyun zaKHm-e-tamanna dekh kar

chandni-raaton mein aksar us gali ke moD par

chaunk uThta hai koi apna hi saya dekh kar

ye nazar ki tishnagi ye salsabil-e-husn-e-yar

ji sulagta hai labon ke pas dariya dekh kar

yaad aa jata hai na-sufta umidon ka maal

Dhalte sayon mein gulon ka rang uDta dekh kar

the ba-faiz-e-ishq hum bhi yusuf-e-bazar-e-misr

lauT kar jate kahan shahr-e-zuleKHa dekh kar