hath phailane nahin deti sharafat meri

haath phailāne nahīñ detī sharāfat merī

puurī kar detā hai ma.abūd zarūrat merī

merī shohrat se hue ḳhush mire ahbāb magar

raas aa.ī na raqīboñ ko ye shohrat merī

mushkiloñ meñ bhī rakho sabr salāmat apnā

mujh se har lamha muḳhātib rahī ġhairat merī

daar pe khīñcho yā suulī pe chaḌhā do mujh ko

phir bhī sach kahne se baaz aa.e na fitrat merī

ḳhidmat-e-ḳhalq kā shāyad ye hai in.aam 'jamīl'

har koī karne lagā shahr meñ izzat merī

hath phailane nahin deti sharafat meri

puri kar deta hai mabud zarurat meri

meri shohrat se hue KHush mere ahbab magar

ras aai na raqibon ko ye shohrat meri

mushkilon mein bhi rakho sabr salamat apna

mujh se har lamha muKHatib rahi ghairat meri

dar pe khincho ya suli pe chaDha do mujh ko

phir bhi sach kahne se baz aae na fitrat meri

KHidmat-e-KHalq ka shayad ye hai inam 'jamil'

har koi karne laga shahr mein izzat meri