ہاتھ رکھتا نہیں زندان بھی آ جائے اگر

ہاتھ رکھتا نہیں زندان بھی آ جائے اگر

چور کے سامنے قرآن بھی آ جائے اگر

تجربہ ہو چکا انساں سے نمٹنے کا مجھے

اب تو دل میں کوئی حیوان بھی آ جائے اگر

خوشبوئیں قید نہیں ہوں گی کسی برتن میں

پیڑ کی شاخ پہ گلدان بھی آ جائے اگر

کشتیوں والوں کو تیراکی کا فن آتا ہے

راستے میں کہیں طوفان بھی آ جائے اگر

پیڑ کو فرق نہیں پڑتا کسی پتھر سے

کیا کرے گا ترا دیوان بھی آ جائے اگر

تیری یادیں بھی ترے ساتھ مرے دل میں رکیں

ایک ہی ڈبے میں سامان بھی آ جائے اگر