hathon mein kisi shai ke hum sab ka muqaddar hai

hāthoñ meñ kisī shai ke ham sab kā muqaddar hai

samjho to vo ā.īna dekho to vo patthar hai

sadiyoñ se har ik dil meñ ik ḳhvāb munavvar hai

vo jism kā saaya hai yā saa.e kā paikar hai

ik umr huī ham ne dekhā thā kisī gul ko

har gosha-e-dil ab tak ḳhushbū se mo.attar hai

gītoñ ke hasīñ paikar murjhā nahīñ pā.eñge

jab tak ġham-e-mahbūbī taḳh.īl kā shahpar hai

mushkil hai samajh paanā shā.ir kī tabī.at ko

ik pal meñ vo sahrā hai ik pal meñ samundar hai

mānūñgā tujhe jab tū kuchh kar ke dikhā.egā

bātoñ meñ to ai 'zāhid' har shaḳhs sikandar hai

hathon mein kisi shai ke hum sab ka muqaddar hai

samjho to wo aaina dekho to wo patthar hai

sadiyon se har ek dil mein ek KHwab munawwar hai

wo jism ka saya hai ya sae ka paikar hai

ek umr hui hum ne dekha tha kisi gul ko

har gosha-e-dil ab tak KHushbu se moattar hai

giton ke hasin paikar murjha nahin paenge

jab tak gham-e-mahbubi taKHil ka shahpar hai

mushkil hai samajh pana shair ki tabiat ko

ek pal mein wo sahra hai ek pal mein samundar hai

manunga tujhe jab tu kuchh kar ke dikhaega

baaton mein to ai 'zahid' har shaKHs sikandar hai