hathon se mere chhin kar dil ka maal le gai

hāthoñ se mere chhīn kar dil kā ma.aal le ga.ī

jaane kahāñ kahāñ mujhe gardish-e-hāl le ga.ī

kaam na koī aa sakā lekin ye aañkh kī namī

silsila-e-ġhubār se mujh ko nikāl le ga.ī

mauj-e-havas ke dosh par koh-e-siyāh tak gayā

mujh ko havā-e-shauq phir tā-ba-zavāl le ga.ī

uñgliyāñ toḌe koī kar le zabān sañg kī

dekhiye sabqat-e-sharaf saut-e-bilāl le ga.ī

tez havā uḌā chale jis tarah barg-e-zard ko

us kī hañsī bhī apne saath merā savāl le ga.ī

sāmne bahr-e-be-karāñ qaidī yak jazīra meñ

phir bhī maiñ us se jā milā mauj-e-ḳhayāl le ga.ī

hathon se mere chhin kar dil ka maal le gai

jaane kahan kahan mujhe gardish-e-haal le gai

kaam na koi aa saka lekin ye aankh ki nami

silsila-e-ghubar se mujh ko nikal le gai

mauj-e-hawas ke dosh par koh-e-siyah tak gaya

mujh ko hawa-e-shauq phir ta-ba-zawal le gai

ungliyan toDe koi kar le zaban sang ki

dekhiye sabqat-e-sharaf saut-e-bilal le gai

tez hawa uDa chale jis tarah barg-e-zard ko

us ki hansi bhi apne sath mera sawal le gai

samne bahr-e-be-karan qaidi yak jazira mein

phir bhi main us se ja mila mauj-e-KHayal le gai