habs tari hai musalsal kaisa

habs taarī hai musalsal kaisā

ab ke barsā hai ye bādal kaisā

jis se ehsās kī sadiyāñ guzrīñ

thā judā.ī kā vo ik pal kaisā

le ke nazrāna-e-jāñ kaun aayā

jashn sā hai sar-e-maqtal kaisā

terī tausīf se ḳhālī ho agar

lafz ho jaatā hai mohmal kaisā

vahī din raat mohabbat kā junūñ

dil bhī kam-baḳht hai pāgal kaisā

us ne to lab abhī khole bhī nahīñ

shor-e-naġhma hai musalsal kaisā

un ke aane kī ḳhabar se 'shā.ir'

dil huā jaatā hai bojhal kaisā

habs tari hai musalsal kaisa

ab ke barsa hai ye baadal kaisa

jis se ehsas ki sadiyan guzrin

tha judai ka wo ek pal kaisa

le ke nazrana-e-jaan kaun aaya

jashn sa hai sar-e-maqtal kaisa

teri tausif se KHali ho agar

lafz ho jata hai mohmal kaisa

wahi din raat mohabbat ka junun

dil bhi kam-baKHt hai pagal kaisa

us ne to lab abhi khole bhi nahin

shor-e-naghma hai musalsal kaisa

un ke aane ki KHabar se 'shair'

dil hua jata hai bojhal kaisa