had-e-ufuq zamin par dhuan dhuan
had-e-ufuq zamīn par dhuāñ dhuāñ
hajar-hajar bashar-bashar dhuāñ dhuāñ
jagah-jagah qayāmatoñ kā raqs hai
galī-galī idhar-udhar dhuāñ dhuāñ
ajīb-tar haiñ mausamoñ kī gardisheñ
samar-samar shajar-shajar dhuāñ dhuāñ
na sūrateñ na manzaroñ kā silsila
sahar-sahar kasīf-tar dhuāñ dhuāñ
na taab hai na aab hai na rang hai
nigāh meñ guhar-guhar dhuāñ dhuāñ
na rāsta na sang-e-mīl kā nishāñ
qadam-qadam safar-safar dhuāñ dhuāñ
ye 'shāhid'-e-nahīf kā vajūd hai
lahū-lahū jigar-jigar dhuāñ dhuāñ
had-e-ufuq zamin par dhuan dhuan
hajar-hajar bashar-bashar dhuan dhuan
jagah-jagah qayamaton ka raqs hai
gali-gali idhar-udhar dhuan dhuan
ajib-tar hain mausamon ki gardishen
samar-samar shajar-shajar dhuan dhuan
na suraten na manzaron ka silsila
sahar-sahar kasif-tar dhuan dhuan
na tab hai na aab hai na rang hai
nigah mein guhar-guhar dhuan dhuan
na rasta na sang-e-mil ka nishan
qadam-qadam safar-safar dhuan dhuan
ye 'shahid'-e-nahif ka wajud hai
lahu-lahu jigar-jigar dhuan dhuan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
