had-e-unwan se aage aaKHir afsane kahan jate

had-e-unvāñ se aage āḳhir afsāne kahāñ jaate

tirī mahfil se baḌh kar tere dīvāne kahāñ jaate

haqīqat se guzar kar ā.ina-ḳhāne kahāñ jaate

agar ham tak nahīñ aate to paimāne kahāñ jaate

ġham-e-daurāñ ne baḌh kar lau baḌhā dī sham-e-hastī kī

ġham-e-jānāñ ke ye bhaTke hue jaane kahāñ jaate

nigāheñ thiiñ hamārī farq-e-ḳhās-o-ām se aage

agar vo aa bhī jaate ham se pahchāne kahāñ jaate

ye rindoñ kī hai shān-e-be-niyāzī sāqiyo varna

na jaane tum kahāñ hote ye maiḳhāne kahāñ jaate

bharam ashk-e-alam kā rakh liyā zarroñ ke sīnoñ ne

sitāroñ kī jabīneñ varna sulgāne kahāñ jaate

bahār aa.e baġhair un par 'shifā' hai be-ḳhudī taarī

bahār aatī to kyā mālūm mastāne kahāñ jaate

had-e-unwan se aage aaKHir afsane kahan jate

teri mahfil se baDh kar tere diwane kahan jate

haqiqat se guzar kar aaina-KHane kahan jate

agar hum tak nahin aate to paimane kahan jate

gham-e-dauran ne baDh kar lau baDha di sham-e-hasti ki

gham-e-jaanan ke ye bhaTke hue jaane kahan jate

nigahen thin hamari farq-e-KHas-o-am se aage

agar wo aa bhi jate hum se pahchane kahan jate

ye rindon ki hai shan-e-be-niyazi saqiyo warna

na jaane tum kahan hote ye maiKHane kahan jate

bharam ashk-e-alam ka rakh liya zarron ke sinon ne

sitaron ki jabinen warna sulgane kahan jate

bahaar aae baghair un par 'shifa' hai be-KHudi tari

bahaar aati to kya malum mastane kahan jate