had ho koi to sabr tere hijr par karen

had ho koī to sabr tire hijr par kareñ

āḳhir ham ek haal meñ kab tak basar kareñ

ahl-e-nazar vasī.a gar apnī nazar kareñ

zarre naqāb ulaT ke tujhe jalva-gar kareñ

fitrat har e'tibār se hai ham-navā-e-husn

āmīn tum ko to duā.eñ asar kareñ

tum ne to apne husn ko mahfūz kar liyā

ham kis ke saath umr-e-mohabbat basar kareñ

'sīmāb' ham meñ aib o hunar ḳhud haiñ be-hisāb

ham kyā kasī ke aib o hunar par nazar kareñ

had ho koi to sabr tere hijr par karen

aaKHir hum ek haal mein kab tak basar karen

ahl-e-nazar wasia gar apni nazar karen

zarre naqab ulaT ke tujhe jalwa-gar karen

fitrat har e'tibar se hai ham-nawa-e-husn

aamin tum ko to duaen asar karen

tum ne to apne husn ko mahfuz kar liya

hum kis ke sath umr-e-mohabbat basar karen

'simab' hum mein aib o hunar KHud hain be-hisab

hum kya kasi ke aib o hunar par nazar karen