had se guzar gaya gham-e-dauran kabhi kabhi

had se guzar gayā ġham-e-daurāñ kabhī kabhī

dāman meñ ashk ho ga.e ġhaltāñ kabhī kabhī

jab zo.am-e-aql-o-hosh se kuchh bhī na ban sakā

kaam aa ga.ī hai jur.at-e-rindāñ kabhī kabhī

aate haiñ inqalāb kabhī bahar-e-inqalāb

kashtī ko paar karte haiñ tūfāñ kabhī kabhī

sar de diyā diyā na magar ġhair-e-haq kā saath

duniyā meñ aa.e aise bhī insāñ kabhī kabhī

kyā kalba-e-hazīñ meñ nahīñ raunaq-e-hayāt

hotā hai dil yahāñ bhī ġhazal-ḳhvāñ kabhī kabhī

ghabrā ke zindagī se talāsh-e-qarār meñ

chhānī hai ḳhāk-e-dasht-o-bayābāñ kabhī kabhī

har chand hai dakan se mujhe pyaar 'tāhira'

aatī hai yaad mahfil-e-tahrāñ kabhī kabhī

had se guzar gaya gham-e-dauran kabhi kabhi

daman mein ashk ho gae ghaltan kabhi kabhi

jab zoam-e-aql-o-hosh se kuchh bhi na ban saka

kaam aa gai hai jurat-e-rindan kabhi kabhi

aate hain inqalab kabhi bahar-e-inqalab

kashti ko par karte hain tufan kabhi kabhi

sar de diya diya na magar ghair-e-haq ka sath

duniya mein aae aise bhi insan kabhi kabhi

kya kalba-e-hazin mein nahin raunaq-e-hayat

hota hai dil yahan bhi ghazal-KHwan kabhi kabhi

ghabra ke zindagi se talash-e-qarar mein

chhani hai KHak-e-dasht-o-bayaban kabhi kabhi

har chand hai dakan se mujhe pyar 'tahira'

aati hai yaad mahfil-e-tahran kabhi kabhi