hadd-e-nazar se bhi koi aage nikal gaya
hadd-e-nazar se bhī koī aage nikal gayā
ai chashm-e-shauq dekh zamāna badal gayā
dil jo ġham-e-hayāt ke sāñche meñ Dhal gayā
dīvāna terā girne se pahle sañbhal gayā
thā kis ko hosh kūcha-e-jānāñ meñ kyā huā
barq-e-nigāh se dil-e-dīvāna jal gayā
dekhī ga.ī na us se mirī soḳhta-dilī
patthar ke jism se bhī pasīna nikal gayā
'sābir' kā zikr thā sar-e-mahfil chhiḌā huā
vo aa gayā to baat kā pahlū badal gayā
hadd-e-nazar se bhi koi aage nikal gaya
ai chashm-e-shauq dekh zamana badal gaya
dil jo gham-e-hayat ke sanche mein Dhal gaya
diwana tera girne se pahle sanbhal gaya
tha kis ko hosh kucha-e-jaanan mein kya hua
barq-e-nigah se dil-e-diwana jal gaya
dekhi gai na us se meri soKHta-dili
patthar ke jism se bhi pasina nikal gaya
'sabir' ka zikr tha sar-e-mahfil chhiDa hua
wo aa gaya to baat ka pahlu badal gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.