haft aflak se aage kahin kuchh ho to kahun

haft aflāk se aage kahīñ kuchh ho to kahūñ

had-e-idrāk se aage kahīñ kuchh ho to kahūñ

maiñ ne jis zaat ko labbaik kahā hai us ke

jalva-e-pāk se aage kahīñ kuchh ho to kahūñ

jis pe paivand hī paivand nazar aate the

aisī poshāk se aage kahīñ kuchh ho to kahūñ

mujh se pūchhe koī insān kahāñ tak pahuñchā

azm-e-bebāk se aage kahīñ kuchh ho to kahūñ

haañ mirī ziist kā hāsil ġham-e-daurāñ to nahīñ

chashm-e-namnāk se aage kahīñ kuchh ho to kahūñ

jis taraf dekhiye vīrānī hī vīrānī hai

ḳhas-o-ḳhāshāk se aage kahīñ kuchh ho to kahūñ

har taraf ham-vatanoñ ḳhūn-ḳharābe ke sivā

chashm-e-saffāk se aage kahīñ kuchh ho to kahūñ

ālam-e-ḳhāk mirī zaat kā har zarra hai

ālam-e-ḳhāk se aage kahīñ kuchh ho to kahūñ

mere aflāk se aage to faqat huuñ maiñ hī

mere aflāk se aage kahīñ kuchh ho to kahūñ

jaañ kā hai apnī jagah ek tasavvur 'rūmī'

jasad-e-ḳhāk se aage kahīñ kuchh ho to kahūñ

haft aflak se aage kahin kuchh ho to kahun

had-e-idrak se aage kahin kuchh ho to kahun

main ne jis zat ko labbaik kaha hai us ke

jalwa-e-pak se aage kahin kuchh ho to kahun

jis pe paiwand hi paiwand nazar aate the

aisi poshak se aage kahin kuchh ho to kahun

mujh se puchhe koi insan kahan tak pahuncha

azm-e-bebak se aage kahin kuchh ho to kahun

han meri zist ka hasil gham-e-dauran to nahin

chashm-e-namnak se aage kahin kuchh ho to kahun

jis taraf dekhiye virani hi virani hai

KHas-o-KHashak se aage kahin kuchh ho to kahun

har taraf ham-watanon KHun-KHarabe ke siwa

chashm-e-saffak se aage kahin kuchh ho to kahun

aalam-e-KHak meri zat ka har zarra hai

aalam-e-KHak se aage kahin kuchh ho to kahun

mere aflak se aage to faqat hun main hi

mere aflak se aage kahin kuchh ho to kahun

jaan ka hai apni jagah ek tasawwur 'rumi'

jasad-e-KHak se aage kahin kuchh ho to kahun