hai aarzi hayat bas itni si baat hai
hai 'ārzī hayāt bas itnī sī baat hai
insāñ hai be-sabāt bas itnī sī baat hai
insān ko ḳhudā pe bharosa nahīñ rahā
vaj.h-e-tafakkurāt bas itnī sī baat hai
tūl-e-shab-e-firāq kī tafsīl kyā kaheñ
kaTtī nahīñ hai raat bas itnī sī baat hai
garmī baḌhī dimāġh kī dil ho ga.e haiñ sard
az-rū-e-nafsiyāt bas itnī sī baat hai
shātir jo the harīf 'ajab chaal chal ga.e
ham khā ga.e haiñ maat bas itnī sī baat hai
do harf kah diye to ye sab kuchh 'ayāñ huā
taḳhlīq-e-kā.enāt bas itnī sī baat hai
hai 'arzi hayat bas itni si baat hai
insan hai be-sabaat bas itni si baat hai
insan ko KHuda pe bharosa nahin raha
wajh-e-tafakkuraat bas itni si baat hai
tul-e-shab-e-firaq ki tafsil kya kahen
kaTti nahin hai raat bas itni si baat hai
garmi baDhi dimagh ki dil ho gae hain sard
az-ru-e-nafsiyat bas itni si baat hai
shatir jo the harif 'ajab chaal chal gae
hum kha gae hain mat bas itni si baat hai
do harf kah diye to ye sab kuchh 'ayan hua
taKHliq-e-kaenat bas itni si baat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
