hai abhi tak isi wahshat ki inayat baqi
hai abhī tak isī vahshat kī ināyat baaqī
koī bhī chiiz nahīñ ghar kī salāmat baaqī
maiñ bhalā haath duāoñ ko uThātā kaise
us ne chhoḌī hī nahīñ koī zarūrat baaqī
us ne TuuTe hue TukḌoñ se bhī pahchān liyā
hai bikhar kar bhī miyāñ merī nafāsat baaqī
be-nishāñ koī na ujḌe hue khañDarāt raheñ
un meñ rahtī hai abhī ghar kī shabāhat baaqī
pahle jazbāt chhalak paḌte the ḳhāmoshī se
ab to lahjoñ meñ bhī hai ḳhālī muravvat baaqī
ḳhud ko aadat koī paḌne hī nahīñ detā huuñ
merī ab tak hai hamesha kī ye aadat baaqī
mere chhūne se kalī phuul banī jaatī hai
mere hāthoñ meñ abhī tak hai sharārat baaqī
maiñ nazar aa.uuñ to dikhtā nahīñ sūraj 'aḳhtar'
ek hī rah ga.ī chhoTī sī karāmat baaqī
hai abhi tak isi wahshat ki inayat baqi
koi bhi chiz nahin ghar ki salamat baqi
main bhala hath duaon ko uThata kaise
us ne chhoDi hi nahin koi zarurat baqi
us ne TuTe hue TukDon se bhi pahchan liya
hai bikhar kar bhi miyan meri nafasat baqi
be-nishan koi na ujDe hue khanDaraat rahen
un mein rahti hai abhi ghar ki shabahat baqi
pahle jazbaat chhalak paDte the KHamoshi se
ab to lahjon mein bhi hai KHali murawwat baqi
KHud ko aadat koi paDne hi nahin deta hun
meri ab tak hai hamesha ki ye aadat baqi
mere chhune se kali phul bani jati hai
mere hathon mein abhi tak hai shararat baqi
main nazar aaun to dikhta nahin suraj 'aKHtar'
ek hi rah gai chhoTi si karamat baqi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
