hai aisa waqt ki KHud par karam kiya jae

hai aisā vaqt ki ḳhud par karam kiyā jaa.e

zarūratoñ ko zarā apnī kam kiyā jaa.e

ho apnī āñkhoñ meñ har-dam vo ek hī chehra

so apnī āñkhoñ pe aisā hī dam kiyā jaa.e

qubūliyat kā sabab ek ye bhī ho shāyad

duā ke vaqt meñ āñkhoñ ko nam kiyā jaa.e

vo saath chhoḌ gayā to malāl kyā is kā

bichhaḌ gayā jo kahīñ us kā ġham kiyā jaa.e

kiyā hai ham ne zamāne kā ehtirām bahut

kuchh apnī zaat ko ab mohtaram kiyā jaa.e

ye dāstān-e-mohabbat to ḳhuub hai 'fārūq'

koī fasāna lahū se raqam kiyā jaa.e

hai aisa waqt ki KHud par karam kiya jae

zaruraton ko zara apni kam kiya jae

ho apni aankhon mein har-dam wo ek hi chehra

so apni aankhon pe aisa hi dam kiya jae

qubuliyat ka sabab ek ye bhi ho shayad

dua ke waqt mein aankhon ko nam kiya jae

wo sath chhoD gaya to malal kya is ka

bichhaD gaya jo kahin us ka gham kiya jae

kiya hai hum ne zamane ka ehtiram bahut

kuchh apni zat ko ab mohtaram kiya jae

ye dastan-e-mohabbat to KHub hai 'faruq'

koi fasana lahu se raqam kiya jae