hai aur baat bahut meri baat se aage

hai aur baat bahut merī baat se aage

zamīn zarra hai is kā.enāt se aage

ik aur silsila-e-hādsāt hai raushan

is ek silsila-e-hādsāt se aage

havā-e-aks-e-bahār-o-ḳhizāñ nahīñ hai faqat

agar nigāh karo phuul paat se aage

ye ham jo peT se hī sochte haiñ shaam o sahar

kabhī to jā.eñge is dāl-bhāt se aage

kuchh aur tarah ke atrāf muntazir haiñ kahīñ

uThā.eñ zahmat agar shash-jahāt se aage

na rok paa.e taġhayyur kī tez tuġhyānī

jo band bāñdhne aa.e sabāt se aage

kueñ meñ baiTh ke hī TarTarā ga.e kuchh din

nazar paḌā nahīñ kuchh apnī zaat se aage

is aab o rañg se bāhar bhī ik tamāshā hai

chale-chalo jo nazar kī sifāt se aage

'zafar' ye din to natīja hai raat kā yaksar

kuchh aur DhūñDtā rahtā huuñ raat se aage

hai aur baat bahut meri baat se aage

zamin zarra hai is kaenat se aage

ek aur silsila-e-hadsat hai raushan

is ek silsila-e-hadsat se aage

hawa-e-aks-e-bahaar-o-KHizan nahin hai faqat

agar nigah karo phul pat se aage

ye hum jo peT se hi sochte hain sham o sahar

kabhi to jaenge is dal-bhat se aage

kuchh aur tarah ke atraf muntazir hain kahin

uThaen zahmat agar shash-jahat se aage

na rok pae taghayyur ki tez tughyani

jo band bandhne aae sabaat se aage

kuen mein baiTh ke hi TarTara gae kuchh din

nazar paDa nahin kuchh apni zat se aage

is aab o rang se bahar bhi ek tamasha hai

chale-chalo jo nazar ki sifat se aage

'zafar' ye din to natija hai raat ka yaksar

kuchh aur DhunDta rahta hun raat se aage